Boshka soavtorlar: B. B. Sobirov Ma'lumki, erdagi asosiy hayotiy omil va tabiiy muhitlar: sayyoramiz havosi (atmosfera), suv (gidrosfera), er po'stlog'i (litosfera) va o'simlik-jonzot (biosfera)lar va hatto inson ekologiyasi keskin darajada buzilganligi, bir qator umumbashariy, mintaqaviy va boshqa ekologik muammolar sodir etilganligi ko'pchilikka yaxshi ayon. Ushbu qo'llanma Oliy va o'rta maxsus hamda Halq ta'limi tizimlarining barcha bosqichlarida, ekologik ta'lim-tarbiyaning samarali joriy etilishida, shubhasiz, muhim ilmiy ma'lumotlar manbai vazifasini o'taydi. Undan ekologiya sohasidagi o'quv muassasalari talabalari, bakalavr va magistrlar, aspirantlar hamda turli toifadagi mutaxassis xodimlar izchil foydalanishlari mumkin. Shuningdek, uni «Atrof-muhit muhofazasi va tabiiy resurslardan oqilona foydalanish» mutaxassisligi bo'yicha oliy o'quv yurtlarida dars beruvchi professor-o'qituvchilar, ekologik tahlil va tadqiq amaliyotlarini o'tkazuvchi xodimlar, nihoyat, ekologiya sohasida faoliyat ko'rsatuvchi tashkilot va muassasa mutaxassislariga ham tavsiya qilish mumkin.
